TURA: Garo Hills-oba drugs ba pekatgipa samrangko jakkalanirang batrorobaengani gimin police-rang, niam gri sam badingenggipa manderangko rim·na sandiengon, re·anggipa Sombar saloba West Garo Hills a·jani police-rang, Phulbari police station-ni ning·o donggipa Rajpur joloniko rong 2000-mangni gita Yaba tablet-rangko rim·na man·taiaha.
Koborko on·ani gitade, gipin biaprangoniko Garo Hills gita iandakgipa samrangko ra·barongengani gimin police-rang, am·sandianirangko dakenba, mande sakgnioniko ia Yaba tablet-rangko rim·na man·aha.
Iani bidingo police-rang mokordoma ka·enba, ning·tue sandianirangko dakengkua ine u·iataha.
Banoba iandakgipa samrangko palani ba badinganirangko kobor man·genchimode ta·raken police-rangna u·iatskachina gitaba police official-rang didiataha.
