SHILLONG: Social Welfare-ni director, Dikki D. Shira-ni koborna parakatani gitade, batanggimin adita bilsirangna bateba re·anggipa bilsionin, mongsongbate covid-19 sabisini a·sel lockdown-ko ong·atani somoirango a·doko nokdangni kajia-golmal ong·anirang bang·batako nikna man·aha.
Shira, mejalo kobor ra·timgiparangna aganengon, re·anggipa bilsina agreba ia bilsio nokdango meligija golmal-kajia ong·anirang aro jikse galgrikani report-rangko bang·en man·soaha.
Official-ni parakatani gitade, bang·a manderangan an·tanagtangni nokdangtango neng·skimanirangko parakja, uni gisepon mittamrangde officer-rangona an·tangtangni neng·nikanirangko re·bae aganeaha aro uamangni neng·nikani kri officer-rang nigrike k
“Bang·a manderang, jemangan chingni one stop cenrtre-rangona re·bae nirok-simsakaniko man·aha aro uamangni nangani kri chinga uandakgipa manderangna tuchak-rochakani, cha·a-ringanirangko on·e uamangna niam gita agan-ku·pattianirangko on·e watattokaha’ ineba ua agandapaha.
Maini a·sel nokdango kajia-golmalrang ong·batenga ine sing·on, officer, nokdango cholgriani, kangal-cha·asiani aro covid-ni a·sel lockdown-ko ra·gatanian nokdango kajia-golmal ong·ani ba meligrikgijani mongsonggipa mingsa ja·pang ong·aia ine koborna aganchakaha.
“Iandakgipa songsalo ong·enggipa obostarangko NGO dolrang, songsalna dangdike on·enggipa dolrang aro songsalo ramram janggi tanggipa manderang apsan ba ku·cholsan bakrime kamrangko ka·anichisan iarangko namatpilna man·aignok’’ ineba ua parakaha.
