TURA: Garo Hills Autonomous District Council (GHADC)-o kam ka·enggipa manderang, ja 30 batpile dormaharangko man·tokkujaengon, kam ka·giparangna jagittamni dormaharangko on·na gita GHADC-ni Executive Committee, bill-rangko tarichina officer-rangna ge·etaniko on·angaha.
GHADC joint secretary-ni ge·etaniko on·anio parakatani gitade, GHADC-o kam ka·enggiparangna 2019 bilsini February jaoni April jaona jagittamni dormaharangko gitcham payscale-o on·anggen.
Iana skangba, GHADC-o kam ka·enggiparangni jingjengatani ja·man jabongani dormaharangko on·ahachim ine nikna man·a.
GHADC-o tangka paisani gita neng·nikanirangko man·e kam ka·giparangna dormaharangko on·na man·jaengon, dingtang dingtang kamrangna tangka paisarangko chamatchina gita GHADC-ni chief executive membor (CEM) Benedic R Marak, New Delhi-ona re·ange ma·mong sorkarini dilgiparangko didieskaahachim.
