TURA: Japanese Designer Brand ‘USOPSO’ dokkanko Mongolbar salo, Tura-ni Lower Babupara gittimo kuliaha.
Ia Japanese Designer ‘USOPSO’ dokkanko West Garo Hills a·jani District Maternal & Child Health Officer Dr Ivonne M Sangma, mongsonggipa sokgipa ong·e kulie on·angaha.
Ia dokkanko chalaienggipa manderangni u·iatani gitade, da·o dipet iandakgipa dokkan Meghalaya a·doko damgnisan dongengpiti aro uan Shillong-o damsa aro Tura-o damsa ong·enga.
Ia dokkano kam ka·giparangkoba Garo Hills-onikon rakkiahani gimin ia dokkanko kulianiara jolo kamgri ong·e dongenggipa chadamberangna janggi tangani cholko on·ani gitaba ong·enga ineba dokkanko chalaienggipa manderang parakataha.
