TURA: Ia jani gisepo jagimik Poshan Maah-ko manina gita Dadenggre civil sub-division-ni Sub-Divisional Officer (SDO) Jagdish Chelani, dingtangmancha sub-division-ni official-rang baksa Dadenggre Civil Sub-Division office-ni conference hall-o tom·e chanchirimangaha.
Ia tom·anio Dadenggre C&RD Block-ni Child Development Project Officer (CDPO), ia Poshan Maah-ko maniani bidingo jinmana talate on·angengon, ia Poshan Maah-ko jagimik maniani bak gita Poshan Vatika, Yoga & Ayush for Nutrition, Anganwadi-rangna Regional Nutrition Kit-rangko sualani, namgipa cha·anirangko suale on·ani aro uandakgipa dingtang dingtang program-rangko ong·atanggen ine parakangaha.
Ia Poshan Maah-ko name chu·sokatna man·na gita pilak department-rangkon bakrime kam ka·china gita ia tom·anio Dadenggre-ni SDO didiangaha.
