TURA: SBI Tura regional office-o tom·aniko ong·atao, manager Mr Dharmananda Banai, SBI-ni gipin official-rang baksa Garo Hills-oni 2021 MBOSE SSLC -ni topper-rangko mande ra·angaha. Uandake Garo Hills-o dingtang dingtang school-rangoni sakdok chatro-chatrirang, top-20 merit list-o rank-ko man·aha. Topper rank-o pass ka·giparangni bimingrang- Mr Mridumay Saha (3rd rank), Miss Laxita Agarwala (8th rank), Miss Abigail Tiara R Marak (15th rank), Miss Patiparata Ghosh (15th rank), Miss Divya Binu Mathew (18th rank) aro Mr Harchell R Sangma (18th rank) uamangko tom·anio mande ra·angaha. Uandake topper-rangna memento aro smart watch-ko on·aha.
Indake ong·engon tom·anio bakko ra·e aganprakmitingo regional manager Mr Dharmananda Banai, Speaking on the occasion, Mr Dharmananda Banai, namgipa gadango pass ka·gipa student-rangko a·jolna mingsing-mingamako ra·baanina de·mittele nama sikaniko on·aha. Uandake tom·anio bak ra·giparangna, SBI baksa donggipa dingtang dingtang education loan scheme-rangni gimin talate on·aha. ‘SBI baksa bang·a dingtang dingtang educational loan scheme-rang dongani gimin jotton ka·giparangna da·ode maming neng·nikani dongjajok’ ine Mr Banai aganaha.
Uandake Mr.Mridumay Saha, jean 3rd rank-ko man·ahachim, ua mikkangchi uni janggi tanganio software engineer ong·na miksonganiko parakaha, Miss Patiparata Ghosh aro Miss Abigail Tiara R Marak- mang cardiologist doctor ong·na miksonganiko parakskaha. Aro tom·anio bak ra·gipa student aro guardian-rang, SBI-ni ja·ku de·aniko namnikenba de·mitteltokaha.
