SHILLONG: East Garo Hills-o dal·begipa a·sel August jao tangka cha·bokao mongsong jak donggipa mandeko ru·utgija salo District Police dol, rim·aha.
District Police uamangni jakkalgipa social media-o janapani gita dosi dakgipako police Jharkhand-ona re·angani ja·mano district SP ijahar ka·ako segataha.
Ua mamlao mongsong dosi dakgipako Williamnagar police dol rim·aha aro Taratand Police Station police dol-chi dakchakako man·e dol mande saksako rim·aha, police aganaha. Rim·a man·gipa Giridih Jharkhand-ni bilsi 22 Pappu Thakur minggipa ong·a.
Uko Taratand Police-ni dakchakachi Pandri-oniko rim·aha. Ian Cyber crime investigation-o district police-na dal·begipa kam chu·sokani ong·a,” police aganaha.
