SHILLONG: West Khasi Hills aro Garo Hills-ni a·jolrango bobil dakgipa dolrang donga ine nakatenggipa koborni gimin Home Minister, Lahkmen Rymbui mijal Butbar salo, a·dokni police nirikkienga aro a·dokni pilak mamlarangko namatna kam ka·enga ine aganaha.
“Police nirikkienga aro maiko dakna nanga ka·enga indiba chinga manderangni bakrimanikoba nanga aro bobil dolni kamrangni gimin police-na kobor on·a nanga ian manderangni jak on·paani ong·a aro a·doko police niam aro retiko police nianggen,” Rymbui aganaha. A·dokni Garo Hills aro West Khasi Hills a·jolo NDFB-ni manderang roramenga aro mitam chadamberang uamangko ja·rikenga ine Opposition dilgipa, Mukul Sangma ru·utgija salo aganaha. Chadamberang bobil dolo napangjana mai ja·kuko de·enga sing·anina, ian police kam ong·ja mande-rangni kamsa,” “Pilak obostako namatgen, a·dok aro manderangni gimin chanchiani donga,” “Naljok- aro tom·tomani sorkarini chanchiani,” ua agandapaha.
