SHILLONG: Board of Directors of Meghalaya Tourism Development Corporation-ni gital seoka man·gipa chairman Saleng Sangma, Garo Hills aro Jaintia Hills-o tourism sector-ko namdapatna kam ka·na aganaha. Garo Hills aro Jaintia Hills-o nitobegipa biaprang ong·a, jekon bang·a manderangan u·itokja ba nikkuja, uni gimin ia jolo tourism-ko develop ka·na nangnikaniko Sangma aganaha.
Kobor ra·timgiparang baksa agangrikmitingo, Saleng Sangma indine aganaha, “tourism sector-ara baikamgipa ba tangkamgipa business ong·a. Aro Meghalaya-ona re·bagipa tourist-rangko name dake rimchaksona aro namgipa cholrangko on·na jotton ka·na nanggen.”
Uandake Meghalaya-ni nitogipa biaprangko nina re·bagipa tourist-rangko bang·bate rimbana gital gital idea ba chanchianirangko ra·bana nanggen, gipin a·songrang jekai Europe-de tourism sector-kon mongsonggipa kamaiani chol dakaha, Meghalaya-ode resource donga uni gimin a·dok sorkari, tourism sector-o bang·bate kamrangko bikotna nangenga, ineba Saleng Sangma agandapaha.
Niatgenchimode Meghalaya, tourism sector namen tang·doengachim indiba batanggimin bilsignionin covid sabisini a·sel tang·onaha, indiba da·ode tourism-ko kuliataha aro a·doko tourist-rangni re·baaniko nikna man·bataiengjok. Uandake Saleng Sangma, Crowborough Hotel-ni kamko matchotatna kam ka·gen ineba janapataha.
