TURA: Gisikni gita tik ong·gija sanna banani aro gipin dakchakanirangko nangenggipa manderangna Tura-ni Robagre gittimo ‘Half-Way Home’ rehabilitation centre-ko Sombar salo kulie on·angaha.
Ia rehabilitation centre-ko Social Welfare department-ni Director Dikki D Shira, nokdonggae on·angaha aro ia nokko nokdonggaani somoio West Garo Hills a·jani Deputy Commissioner in-charge CN Sangma, District Social Welfare Officer H Ch Sangma, Health & Family Welfare-ni Joint Director Dr JK Marak, District Program Officer CD Arengh, Deputy Superintendent of Police (DSP) KR Marak, District Task Force-ni membor-rang aro gipin official-rangba dongpae bak ra·angaha.
Tura-ni Robagre-o gital kuligipa ‘Half-Way Home’ rehabilitation centre-ko gisikni gita tik ong·jae galchipako man·enggipa aro ramarangko re·jojoe dongenggipa manderangna kuliaha aro ia biapo gisikni gita tik ong·gijagipa sak 25 manderangna biapko tariaha. Ia gital rehabilitation centre-o da·o sak 10-de donge sanna bananirangko ra·engaha ine official-rang u·iataha.
Ia ‘Half-Way Home’ centre-ko kulie on·angani somoio Social Welfare department-ni Director DD Shira, jinmana aganprakangengon, a·doko songdongenggipa manderangna dangdike on·anio dingtang dingtang dolrangba Social Welfare department-ni bakan ong·a aro iandakgipa dolrangni bakrimaniara, gisikni gita aro be·enni gita cholgri ong·gipa manderangna kamko ka·anio ia department-na bang·a namgni ong·gen ine parakangaha.
Ia ‘Haf-Way Home’ rehabilitation centre-ko chalaianio sorkari baksa bakrimchina aro pilak nanga dakchakanirangko on·china gitaba ua dingtang dingtang dol aro toromni dilgiparangko didiangaha.
Ia rehabilitation centre-ko kulie on·angani somoio jinmana aganprakanggipa gipin manderangara, West Garo Hills a·jani DC in-charge CN Sangma, District Social Welfare Officer H Ch Sangma, Tura Civil Hospital-ni Senior Psychiatrist Dr Bollen S Sangma, District Program Officer CD Arengh aro gipinrang ong·a.
Gisikni gita tik ong·gijagipa manderangna Tura-o ‘Half Way Home’-ko kulia
Date:
Share post:
