AMPATI: Bristibar salo Meghalaya a·dokni Chief Minister Conrad K Sangma, South West Garo Hills a·jani Zikzak Development Block-ni ning·o donggipa Producers Group-rang baksa Zikzak C&RD Block-ni Multi Facility Centre-o tom·e agangrikangaha.
Megha-LAMP aro Farmers’ Collectivisation for Upscaling Production & Marketing Systems (FOCUS)-ni ning·o gong 13,70,000-ni cheque-rangkoba ia tom·anio a·dokni Chief Minister, dol 17 Producers Group-rangna suale on·angjolaha.
Meghalaya a·doko 70 percent-ni gitade gama ge·ani kamrango pangchake janggi tangenggiparangan ong·genchimoba game ge·e cha·giparang, dingtang dingtang program-rangoniko nanga gita dakchakanirangko man·jaengani gimin sorkari, a·doko game ge·e cha·enggipa manderangna dakchakanirangko on·na gita miksonge ia FOCUS program-ko ra·gatenba, game ge·e aro bading chiwale cha·enggipa manderangko apsan Producers Group-rango bakrimatenba dakchakanirangko on·enga.
