HLC report-ni gimin Cabinet-o tom·ao parakgen

Shillong: Shillong songjinmani Iew Mawlong-o donggipa Harijan Colony-ko apjitatani bidingo High Level Committee (HLC)-ni report on·gipani bidingo knalo Cabinet tom·anio parakanggen ine Chief Minister Conrad K. Sangma mijalo aganaha. HLC-ni report on·gipani bidingo Cabinet-o sulsul chanchi-anggen ine Pa Sangma koborni manderangna aganaha indiba report-ni bidingode talatna jechak-aha. Unaskang, re·anggipa September 28 tariko, HLC-ni uamangni report-ko, a·dok sorkarina on·eani gimin Harijan Panchayat Committee, uamangni jagokpilaniko parakaha, je Kaman Meghalaya High Court-ni on·gipa status quo order-ko pe·a ga·akaha ine uamang aganaha.