SHILLONG: Songre songbatgiparang da·o bang·baengahaon, ru·utgija somoirangni gisepon Shillong airport-o bang·e nangenggipa services ba kamrangko chu·sokatgnok aro dingtang service-rangko apaldapatna gita Airport authority-rang kamrangko ka·enga.
Songre songbatgiparang bang·engahani gimin, manderangni nanganirangko chu·sokate on·na man·na gita dingtang dingtang namdapatani project-rangko jako ra·enga aro iarangni skanggipa kam ka·nasienggipade Shillong By-Pass-oni fourlane-ko tarianian ong·enga ine Shillong Airport-ni koboro Sukrobaro parakaha.
Rama tarina gita nanggipa a·arangni bidingo re·chakkatchina gita A·dok Sorkari u·iataniko on·manahachim.
Iarang baksana airport-ni naljokanina, Umden Songona rama dingtangko tarina gitaba kamrangko ka·enga. Ia songona rama tarina gita, AAI adita a·arangko A·dok Sorkarina on·gen, jenan A·dok Sorkari aro AAI-ni gisepo MOU mingsako soi ka·grikanggen.
