SHILLONG: Mongolbaro official koboro parakatani gitade, Meghalaya sorkari a·dokni additional Chief Secretary Donald Phillips Wahlang-ko Meghalaya Energy Corporation Limited (MeECL)-ni gital Chairman-cum-Managing Director dake donataha.
Wahlang, ia kamko Rebecca Vanessa Suchiang-ni jakoniko ra·rikaha, jekon A·dokni Chief Secretary-ona ra·doaha.
Wahlang, 1993 batch-ni IAS officer ong·a, ua Home (Police) aro Home (Political)-koba nirokanggen.
Principal Secretary Dr. Shakil Ahamed, jean Mining aro Geology department-ko nirokengahachim, uko da·o Power department-ni Principal Secretary dake donatskaaha. Ua, Water Resources department-niba Principal Secretary ong·angkugen.
Unomitingo, School Education aro Literacy-ni State Director Ambrose Ch. Marak-koba Corporate Affairs, MeECL-ni aro uni ge·gittamm subsidiary-rang jedake Meghalaya Power Generation Corporation Limited, Meghalaya Power Transmission Corporation Limited aro Meghalaya Power Distribution Corporation Limited-ni Director dake donangaha.
Marak, Personnel aro AR department-niba secretary ong·e kam ka·anggen.
Cyril V. Darlong Diengdoh, jekon Corporate Affairs, MeECL aro uni ge·gittam subsidiary-rang jedake Meghalaya Power Generation Corporation Limited, Meghalaya Power Transmission Corporation Limited aro Meghalaya Power Distribution Corporation Limited-ni Director-oniko neng·takatahachim, ua da·o Law department aro Legal Remembrancer-ni Secretary ong·angskagen, unbaksana Parliamentary Affairs department-niba Secretary ong·anggen.
