TURA: West Garo Hills-o sak 36 dengue sagiparang-ko rim·a man·aha, ine Meghalaya-ni health official koborna u·iataha.
Songjinma jolo donggipa biaprangoniko sak 36 dengue fever sagirangko kobor man·aha, jeoni bang·batan Tura Civil Hospital quarter aro Hawakhana-oni ong·a, ine Tura-ni district magistrate Ram Singh aganaha.
Indake ong·engon Garo Hills a·jao dengue sagiparang batrikrikengani gimin Ram Singh, Sukrobar salo Tura DRDA conference Hall-o District Vector Borne Disease Control Officer aro locality-ni representative-rang baksa tom·aha.
Uandake DC, locality ba jolni manderangko authority baksa melie kam ka·china mol·molataha. Aro ia giprorogipa sabisini gimin manderangna u·iatchina aganaha. Garo Hills a·jolo dengue sabisi sokani koborko man·e, West Garo Hills Deputy Commissioner, Ram Singh, mini Sukrobar salo DRDA Conference Hall-o District Vector Borne Disease Control Officer aro Tura-jolni dilgiparangko chanchidil-aha.
District-o dengue sabisiko giprorona skang songjinma aro songadam a·jolrango champengani cholrangko dakna aro sabisiko namedake nirok-china meeting-o Deputy Commissioner, bil gnanggiparangko didiaha. Tura Hospital-o dengue sabisina Testing Centre kam ka·engaha, ua u·iatjolaha.
Sabisini obostako ma·si-chakna aro champengani cholrangko dakna nangako agane, soa-sima jabol-rangko namedake galachi, chirangko name ko-chimonge donachi ganggu bitchi chianirangko komiat-na bil gnanggiparang baksa chanchirime bakrimna aro dakchakna joltangni dilgiparangko Deputy Commissioner didiangaha. Giproroenggipa sabisiko champenganio manderang gisik nangchina uamangni joltangtango chanchidil-china ua dilgiparangko aganaha.
Meeting-o, District Vector Borne Disease Control Officer, ganggurangoni mandeona sabisi batman-chako indakgipa dengue rokomni saani chinrangko, NVBDCP bang·a laboratory-rangni kamrangko, sandie niani cholrangko aro sabisiko nirok-sim-sakani cholrangko ua agan-mesokaha. Songjinma a·-joloniko sak 36 sagipa-rangni aro Tura Civil Hospital quarters-oni aro Tura Hawakhana-oni bang·bate denggu saa man·ani koborko officer u·iatjolaha. Meghalaya-o sak 36 dengue sagiparangko rim·a man·a Dengue sabisiko champengna DC chanchidila .
