TURA: Supporting Human Development Project-ni ning·o Asian Development Bank (ADB)-ni gita dakchakanichi gital rikgipa skul nokrangko Budbar salo, a·dokni Chief Minister Conrad Sangma, nokdonggae on·angaha.
Ia skulrangara Manikganj Secondary School aro Damas Secondary School-rang ong·achim aro ia skulrangna classroom-rang baksana computer room aro digital classroom-koba rike on·aha. Koborko on·ani gitade, ia project-ni ning·o Manikganj Secondary School-na gital classroom dambongako aro Damas Secondary School-na classroom damdokko rikdape on·aha.
Ia skul damgnini gital classroom-rangko nokdonggae on·anganio a·dokni Chief Minister baksana a·dokni Education Minister Lahkmen Rymbui, Assembly-ni Deputy Speaker Timothy D Shira, Kharkutta-ni MLA Rupert Momin, Bajengdoba-ni MLA Pongseng Marak aro gipin dilgiparangba dongpae bak ra·angaha.
