SHILLONG: Garo Hills Autonomous District Council (GHADC) aro Jaintia Hills Autonomous District Council (JHADC)-o ma·mong sorkarini Special Assistance Grant (SAG)-ni ning·o chamatgipa tangka paisarangko jakkalsreta ine matnangenggipani bidingo audit report-ko on·ningjaengani gimin BJP dol matnangatenba, am·sandianirangko ta·rake matchotatenba, audit report-ko jinmana parakchina GHADC-ni chief executive membor (CEM)-ko didiataha.
JHADC-ni audit report-de mikkang antini gisepon matchotna nangaha ine janapatengon, GHADC-oba audit ka·aniko matchotatgalgale jinmana report-ko parakchina gita uamang GHADC-ni CEM-ko didina nangnikenga ine BJP-ni state president Ernest Mawrie parakataha.
Autonomous District Council (ADC)-rango tangka jakkalsretaniko BJP-sa sing·dochengaha ine janapatengon, “JHADC aro GHADC-o tangka jakkalsretani bidingo RTI ka·aniko chinga kobor man·soe, iani bidingo inquiry-ko dakchina dabion, sorkari ia ADC damgnio local audit-ko dakchina ge·etaha,” ine Mawrie parakataha.
Adita salrangna skangsan MDA-ni tom·anio uamang audit report-ko somoi gita on·china Chief Minister-ko didiahachim indiba da·onan sorkari, iani audit report-ko on·kujaenga ineba BJP-ni state president parakataha.
Ia audit report-ko uamang chu·ongnikjagenchimode CBI-chi inquiry dakchina dabiskagen ineba Mawrie parakataha.
