TURA: West Garo Hills a·jao ra·gate ka·enggipa ma·mong aro a·dok sorkarini dingtang dingtang scheme aro program-rangko Budbar attamo, West Garo Hills a·jani Deputy Commissioner Ram Singh aro DRDA-ni Project Director CN Sangma, DRDA-ni conference hall-o nipilangaha.
West Garo Hills a·jao ra·gate ka·enggipa dingtang dingtang scheme-rangko nipilangengon, ia jolrango namroro silroroaniko ra·bana man·na gita apsan nangrime kamrangko ka·china gita dingtang dingtang department-rangko didiangenba, C&RD Block-rango MGNREGS-ni kamrangko ka·engon, block development officer-rang baksa agangrikjringchina gita Deputy Commissioner, dingtang dingtang department-ni officer-rangko ge·etangaha.
Khasi Hills-o dingtang dingtang scheme-rangko nangrime ka·anichi chu·sokatengani gimin talataniko on·angengon, batanggimin bilsi gittamoni bilsibrimangona chu·sokatna man·gipa kamrangko niroke kam ka·china dingtang dingtang department-rangko aro jako ra·enggipa agency-rangko DC ge·etangaha.
Ia sal somoirango Aadhar-ko ma·mong sorkarini ra·gatgipa pilak scheme-rang aro skul, college-rangni scholarship baksa nangataha ine janapatengon, Aadhar-na biming segatchina gita manderangko didichina ua dingtang dingtang department-rangko ge·etangaha.
Ia tom·anio Soil & Water Conservation department-ni ning·o ra·gatgipa RIDF, AIBP-HKKP, RKVY aro uandakgipa scheme-rang, Horticulture department-ni ning·o ra·gatgipa PMFMP, FPO, MOVCDNER, Mushroom Mission, Jackfruit Mission aro uandakgipa program-rang, Agriculture department-ni ning·o ra·gatgipa PM-KISAN, Rice Mission aro uandakgipa program-rang, Fisheries department-ni ning·o ra·gatgipa Blue Revolution, MGNREGS, PMAY, Community Led Landscape Management Program, MEGHA-LAMP aro uandakgipa dingtang dingtang scheme-rangko nipilangaha.
