TURA: Re·anggipa Robibar salo, North East Hill University (NEHU) Tura campus-ni Incubation Centre, Central Silk Board-ni Mega Eri Silkworm Seed Organisation (MESSO) baksa nangrime, North Garo Hills a·jani Mendipathar jolrango muga aro eri jile cha·enggiparangna ma·manti bosturangko suale on·angaha.
Bosturangko suale on·na gita program-ko ong·atanio NEHU Tura campus-ni Pro-Vice Chancellor Prof G Singaiah, NEHU-ni Nodal Officer Dr Sasi Kumar, CSB-ni Scientist B Dr K Indrakumar, Scientist D Dr BN Sarkar, Scientist B Vikram Kumar, Scientist B aro Mendipathar MESSO-ni in-charge Mahashankar Mazumdar dongpae bakko ra·angaha.
Ia program-ko ong·atanio Assam aro Meghalaya a·dok damgnionin sak 30-mangni gita muga aro eri jilgiparang bakko ra·angaha aro uamangna torch, tray, secateur aro tarpaulin-rangko suale on·aha.
Salgro salaram a·dokrango muga aro eri jile cha·enggipa manderangna NEHU Tura campus-ni Incubation centre-ni ra·gatgipa ‘Livelihood Improvement Programme to North East Region’-ni ning·o dakchakanirangko on·na gita ia bosturangko suale on·angaha aro ia bosturangko suale on·na gita ICAR-National Institute for Biotic Stress Management dakchake on·aha.
