SHILLONG: Flybig, jekon Shillong-oni Delhiona sildoreng bilruraatchina gita on·ahachim, da·o uamang Q 400 Bombardier aircraft-ko man·jani a·sel uamangni service-ko chalaiangkuna man·jaengaha.
Shillong-oni New Delhi-ona sildoreng bilruraatgipa Flybig ru·uta somoirangonin uamangni service-ko chalaina gita man·jaengaha, jemangni service-kon da·sikkari December jao a·bachengate on·ahachim.
A·selrangni bidingo aganengon, uamang uamangni service-ko dontongahade ong·ja indiba indiba sildoreng man·jani giminsa service-rangko dondipaha indakoba ru·utgijan uamangni service-ko a·bachengna man·gen ine chanchienga, Flybig Director, Manish Koul aganaha.
“Chinga Spicejet-ni management baksa agangrikenga, chinga chingni service-rangko mikkang antirangonin a·bachengna nangnikenga,” Koul aganaha.
Shillong-Delhi bilruraatgipa sildoreng Flybig-ni ong·ja indiba uamang Spice jet baksa melie ka·engachim, indiba jensomoio Spice jet-ko jakkalgipa bang·on sildorengko man·na gita Company neng·nikanirangko chagrongna nanga ineba ua agandapaha.
Flybig-o Q 400 Bombardier aircraft dongja, unigimin uamang Spicejet-ni aircraft-kosa jakkalenga.
Company Director-ni aganani gitade, Shillong-Delhi songregiparang bang·en dongaia, ia service-na Ministry aro gipin authority-rangba kusi ong·a, maina songreng songbatgiparang Guwahationa re·anggijan Shillong-oni joljol Delhiona songrena man·aiaha.
