TURA: A·chik Literature Society (ALS)-ni annual general conference ba bilsini tom·bimonganiko re·anggipa December-ni 10 tariko internet gita tom·e ong·atangaha.
Ia program-ko ong·atanio Garo Hills-onisan ong·aigija Bangladesh a·songoniba adita sak manderang bakko ra·angaha.
ALS-ni president aro secretary-ni report-ko Dr Crystal Cornelious D Marak, jinmana talate on·angengon, ALS-ni gita batanggimin bilsirango kam ka·ani, international webinar, writers’ meet, talk series-rangko online gita ong·atani aro Garo ku·sikkoba Indian Constitution-ni Eighth Schedule-o napatna dabiani bidingo jinmana parakangaha.
Ia tom·bimonganiko ong·atanio ALS-ni president Prof Caroline R Marak, A·chik Ku·rang magazine-koba oprake on·angjolaha.
2020 aro 2021 bilsini gisepo Ph.D man·gipa A·chikrangnaba ia tom·anio dingtangmancha ALS-ni gita mande ra·pilskaaniko dakangaha aro uamangara, Dr. Adela D. Marak, Dr. Tapsri R. Marak, Dr. Bonali A. Sangma, Dr. Tengsrang A. Marak, Dr. Kasaatchi Tera K. Marak aro Dr. Pyallie D. Sangma ong·a.
ALS-ni gita mikkangchi dingtang dingtang program-rangko ong·atna manchisoenggipani bidingo jinmana parakatengon, 2022 bilsini a·bachengachibara Traditional Musical Instrument Workshop-ko aro International Mother Language Day-ko maniani bak gita seminar-ko ong·atna manchisoenga ine ALS-ni dilgiparang parakataha.
A·chik ku·sikko poraiani (Language Studies) gamchatani aro uarangko undergraduate-ni syllabus-o napatna nangengani giminba ia tom·anio ALS-ni president aganangaha.
Bon·kamao, ia conference-o bak ra·giparang Christmas-na nama skaniko saksa sakgipinna agane matchotaha.
 |
ReplyForward
|
