SHILLONG: Meghalaya a·doko Indian Oil Limited (IOL)-ni skanggipa LPG bottling plant-ko Umiam-o kulina tik ka·angaha.
Meghalaya a·doko LPG-rang chu·ongrongjaengani a·sel manderang neng·nikanirangko man·tokna nangengani gimin a·doko da·o LPG bottling plant-ko kulianiara LPG chu·onggijaniko namatanisan ong·aigija ia plant ba karkanao invest ka·anichi economy-ko bariatna aro kamrangko ong·katate kamgri ong·e dongenggipa chadamberangna kamrangko ka·e cha·na chol ong·gnok ine nikna man·enga.
Kobor on·timgiparangni u·iatani gitade, Meghalaya a·doko skanggipa LPG bottling plant-ko kulina Indian Oil-ni dal·batgipa official-rang ra·chakmanaha aro jagittammangni gisepon tender-rangna okamgnok.
Ia bottling plant-o bilsiprakon ton 30-mangni gita LPG-ko tarina miksongenga aro ia plant-ko bilsignini gisepon matchotatna miksongenga ineba kobor on·timgiparang parakataha.
Da·o dipet Meghalaya a·dokona LPG cylinder-rangko Assam a·dokonikosa ra·baengachim ine nikna man·a.
Meghalaya a·doko LPG bottling plant dongkujani a·selan LPG-rang chu·ongrongjaengachim.
