TURA: Garoland State Movement Committee (GSMC) Dalu unit-ni gita nambate kamrangko ka·na man·na gita gitcham dilgiparang baksana adita sak dilgiparangko seokdapaha ine GSMC Dalu unit-ni chairman Junstemey R Marak kobor on·aha.
GSMC Dalu unit-ko dilna seokdapako man·gipa manderangara, co-chairman-na Jimbirth Ch Marak aro Ringrang D Sangma, general secretary-na Bhovendro G Momin, assistant secretary-na Baseng B Marak, additional secretary-na Silgrak Marak, publicity secretary-na Fringgle M Sangma aro assistant publicity secretary-na Freningbirth Sangma ong·a.
Indake ong·engon, re·baenggipa January-ni 25 tariko Dalu Barengapara Bazar-ko jinma rongtalatna gitaba GSMC Dalu unit, tik ka·e donangaha ineba GSMC Dalu unit-ni chairman parakataha.
