SHILLONG: Bristibar salo, Meghalaya a·dokni Chief Minister Conrad K Sangma aro Assam a·dokni Chief Minister Himanta Biswa Sarma, Union Home Minister Amit Shah-ko New Delhi-o gronge, regional committee-rangni on·gipa recommendation ba ku·pattianirangko mesokeaha.
Assam aro Meghalaya a·dokni simarango meligrikna man·jaenggipa biaprangoni damdok biaprangko skanggipa bako namatna gita a·dok damgnini sorkarirangan, regional committee-rangko songe, ia meligrikna man·jaenggipa biaprangni bidingo am·sandienba, report-ko on·china ge·etahachim. Uandaken a·dok damgnini regional committee-rang, sorkaritangtangna report-rangko on·ani ja·man, Bristibar salo a·dok damgnini chief minister-rang, New Delhi-ona re·angenba, Union Home Minister Amit Shah-na regional committee-rangni on·gipa recommendation-rangko mesokeskaaha.
Union Home Minister-ko grongeani ja·mano kobor ra·timgiparangna parakatengon, a·dok damgnini simarango meligrikgijanirangko namatna ja·kuko de·chakatahani gimin Union Home Minister kusi ong·aniko parakaha aro da·o ia report-rangko Home Affairs Ministry-ni gita name nianggnok ine Meghalaya a·dokni Chief Minister Conrad Sangma parakataha.
A·dok damgnini chief minister-rang, re·baenggipa January 26 tarikni ja·man, New Delhi-ona re·ange Union Home Minister Amit Shah-ko grongetaigen ineba Sangma parakataha.
