SHILLONG: Sonibar salni baksao Meghalaya a·doko sak 31 manderang COVID-19 sabisiko man·dapaha, jeon sak 105 manderang sabisioni nampilskaaha aro apsan salni bakon sakgni manderang sabisini a·sel siangaha.
Sonibar salo sak 31 Covid man·dapgiparangoni East Khasi Hills-o sak 12, Eastern West Khasi Hills-o sak 1, North Garo Hills-o sak 1, Ri-Bhoi-o sak 3, South West Garo Hills-o sak 2, South West Khasi Hills-o sak 3, West Garo Hills-o sak 5 aro West Jaintia Hills-o sakbonga.
Mijalni bako sak 105 manderang Covid-oni nampiltokaha, uamangoni East Garo Hills-o sak 1, East Jaintia Hills-o sak 1, East Khasi Hills-o sak 16, Eastern West Khasi Hills-o sak 4, North Garo Hills-o sak 10, Ri-Bhoi-o sak 16, South West Garo Hills-o sak 4, South West Khasi Hills-o sak 2, West Garo Hills-o sak 19, West Jaintia Hills-o sak 28 aro West Khasi Hills-o saksa.
Batanggimin konta 24-ni somoio East Khasi Hills aro South West Garo Hills district-o sakprak, covid man·e siaha.
Meghalaya a·doko COVID-19 sabisiko man·giparang gimikchide sak 93,259 gapangaha, uamangoni sak 91,294 manderang sabisioni nampiltokaha aro sak 1,568 manderang sabisio siangaha, Covid man·giparang a·doko da·oba sak 397 dongengkua.
Meghalaya a·doko COVID-19 sabisiko man·e dongenggipa sak 397 manderangoni East Garo Hills-o sak 13, East Jaintia Hills-o sak 12, East Khasi Hills-o sak 155, Eastern West Khasi Hills-o sak 15, North Garo Hills-o sak 10, Ri-Bhoi-o sak 45, South Garo Hills-o sak 6, South West Garo Hills-o sak 14, South West Khasi Hills-o sak 10, West Garo Hills-o sak 63, West Jaintia Hills-o sak 38 aro West Khasi Hills-o sak 16 dongkuenga.