TURA: Ia sal somoirango niamrangko manigija skatang gari gorarangko salengani a·sel ramarango a·sel ong·anirang batroroengani gimin manderangna mikrakataniko on·na gita Sombar salo, East Garo Hills a·jani Multi Purpose Simsang Society-ni gita ‘Road Safety’-ni bidingo awareness program-ko Williamnagar-o ong·atangaha.
Ia program-ko ong·atanio Williamnagar-ni MLA Marcuise N Marak, mongsonggipa sokgipa ong·e jinmana aro mongsongbate chatro chatrirangna aganprakangengon, ramarango re·ruraenggiparangni aro an·tangtangni naljokanina traffic rules ba ramarango ja·rikna dongimin niamrangko ja·rikchina gita jolo songdongenggipa manderang pilakkon didiangaha.
Ia program-ko ong·atanio East Garo Hills a·jani Deputy Commissioner Swapnil Tembe aro Williamnagar-ni OC Traffic in-charge Goera T Sangma-ba dongpae jinmana aganprakangengon, ramarango a·sel ong·anirangko komiatna gita pilakkon niamrangko ja·rikchina gita didiangaha.
Ia awareness program-ko Chief Minister-ni Youth Development Scheme-ni ning·o ong·atangaha.
