Williamnagar: North aro East Garo Hills-ni Nokma dol mijal Sonibar salo Williamnagar Nokma Council Hall-o tom·e chanchirimangaha aro sixth schedule amendment bill-ko bon·kame tik ka·mitingo nokmarangko kobor ra·jaha aro bon·kame tarigimin copy-koba chingna mesok-jaha jekon ma·mong sorkari-na watataha ine a·dok sorkariko aro NPP-chi dil-enggipa EC-ko matnang-ataha.
“Sixth schedule amendment Bill-ko chinga jegal-jaenga indiba uni ning·o “unpresented tribes aro Village council” ingipa ming-gnikosa jegalenga. A·dok sorkari ua minggniko ra·galjaha unigiminsa uko tik ka·engon uamang chingko kobor ra·jaha, chinga ma·simanchaa. Council a·a Nokgipa ong·ja serikanisan ong·aia indiba Nokmarangsa Garo Hills-o a·a nokgipamancha ong·-enga”, North aro East Garo Hills-ni Nokma council-rangni General Secretary Lakesh Sangma aganaha.
Indian Parliament-ni je niamchi chinga kimkim, ku·cholsan ong·enga aro ja·rikenga, Village council Panchayati Raj-ni minggipin janapani ong·a jeon India-ni constitution-ni Article 243-o rongtalen janapaha aroba ian Article 243m-o agangipao ong·-enga rongtalenga, Pan-chayat Raj ba Village council schedule a·jolrango ra·bana gita man·jawa. Aroba indita NGO-rangchi jegalako man·genchimoba aro GHADC-na dingtang electoral roll-ko dakchina manderangni aganako man·oba maikai na·a “Unrepresented Tribes”-ko dakna pasokaha jeon sakbri gipin jarangko GHADC-ni MDC seat-rangna biming minggen,” Lakesh Sangma aganaha.
“Unrepresented Tribes aro Village council”-ko de·e ra·baoniko ra·galjaskal aro ma·mong sorkarina watatna skang bon·kame tik ka·-giminko chingna parak-jaskal sixth schedule-ko taridapna chinga a·dok sorkariko on·jawa, chinga rongtalen aganenga. Uko ma·mong sorkariona watatna chinga re·anggen aro chingni ku·rangko sokatgen. Chingni jegalako man·genchimoba Village Council-ni gimin Conrad Sangma-ni aganako chinga knaenga jean chingni kattako ma·sichakgijagipa kratjagijagipa Meghalaya-ni Chief Minister-ko chinga pangnaba nikkuja. Garo Hills-o badita nokmarang donga aro uarangoni bang·aan GHADC-ni ning·o ga·akgipa gipin jatrang bang·bate songdonggipa a·jolrango, a·dok sorkarini Municipal a·jolrango aro nokma ong·na bil dong-gipani gimin dingtang dingtang ma·harirangni gisepo dakgrikenga ia chingni neng·nikanriangko namatchina ku·rang on·-engakoba ua ma·sijaha” Lakesh Sangma agan-dapaha.
“De·e ra·bagipa sixth schedule amendment Bill-oniko “Unrepresentated tribes aro Village Council”-ko ra·galjaskal aro ma·mong sorkarina watatna skang tik ka·giminko chingna mesoke on·jaskal chinga sixth schedule-ko taridapna on·jawa. Chinga amendment-ko jegalja indiba ua minggniko jegalenga,” meeting-ni resolution-o pilak nokmarang soe ka·aha.
“Sixth schedule amendment Bill-ko chinga jegal-jaenga indiba uni ning·o “unpresented tribes aro Village council” ingipa ming-gnikosa jegalenga. A·dok sorkari ua minggniko ra·galjaha unigiminsa uko tik ka·engon uamang chingko kobor ra·jaha, chinga ma·simanchaa. Council a·a Nokgipa ong·ja serikanisan ong·aia indiba Nokmarangsa Garo Hills-o a·a nokgipamancha ong·-enga”, North aro East Garo Hills-ni Nokma council-rangni General Secretary Lakesh Sangma aganaha.
Indian Parliament-ni je niamchi chinga kimkim, ku·cholsan ong·enga aro ja·rikenga, Village council Panchayati Raj-ni minggipin janapani ong·a jeon India-ni constitution-ni Article 243-o rongtalen janapaha aroba ian Article 243m-o agangipao ong·-enga rongtalenga, Pan-chayat Raj ba Village council schedule a·jolrango ra·bana gita man·jawa. Aroba indita NGO-rangchi jegalako man·genchimoba aro GHADC-na dingtang electoral roll-ko dakchina manderangni aganako man·oba maikai na·a “Unrepresented Tribes”-ko dakna pasokaha jeon sakbri gipin jarangko GHADC-ni MDC seat-rangna biming minggen,” Lakesh Sangma aganaha.
“Unrepresented Tribes aro Village council”-ko de·e ra·baoniko ra·galjaskal aro ma·mong sorkarina watatna skang bon·kame tik ka·-giminko chingna parak-jaskal sixth schedule-ko taridapna chinga a·dok sorkariko on·jawa, chinga rongtalen aganenga. Uko ma·mong sorkariona watatna chinga re·anggen aro chingni ku·rangko sokatgen. Chingni jegalako man·genchimoba Village Council-ni gimin Conrad Sangma-ni aganako chinga knaenga jean chingni kattako ma·sichakgijagipa kratjagijagipa Meghalaya-ni Chief Minister-ko chinga pangnaba nikkuja. Garo Hills-o badita nokmarang donga aro uarangoni bang·aan GHADC-ni ning·o ga·akgipa gipin jatrang bang·bate songdonggipa a·jolrango, a·dok sorkarini Municipal a·jolrango aro nokma ong·na bil dong-gipani gimin dingtang dingtang ma·harirangni gisepo dakgrikenga ia chingni neng·nikanriangko namatchina ku·rang on·-engakoba ua ma·sijaha” Lakesh Sangma agan-dapaha.
“De·e ra·bagipa sixth schedule amendment Bill-oniko “Unrepresentated tribes aro Village Council”-ko ra·galjaskal aro ma·mong sorkarina watatna skang tik ka·giminko chingna mesoke on·jaskal chinga sixth schedule-ko taridapna on·jawa. Chinga amendment-ko jegalja indiba ua minggniko jegalenga,” meeting-ni resolution-o pilak nokmarang soe ka·aha.