Williamnagar: CAU-Krishi Vigyan Kendra, East Garo Hills, game cha·giparangna na·tok gran dona ba ripoani gimin skie on·na gita, “CIFTEQTM Fish Smoking Kiln programme-ko ong·atanio chu·soke matchotangaha. CAR-Central Institute of Fisheries Technology, Cochin, TSP baksa bakrime, tribal manderangna dakchakna gita ia programme-ko ong·ataha. March 3 tarikoni 5 tarikona sak 22 beneficiary-rangna Williamnagar Department of Fisheries-ni Training Hall-o salgittamna training-ko on·aha. Uandake mingni Front Line Demonstration-ko March 8 aro 15 tariko Megagre aro Bansamgre-o ong·atangskaha. Jeon sak 36 beneficiary-rang bak ra·aha. Uamangna bading-chiwalaniko namdapatna technology-ko maidake jakkalna nanga, iarangni gimin skie agane on·aha.
Demonstration-o CIFTEQTM Fish Smoking Kiln unit, nangchongmotgipa ba jakkaltogipa bosturangko game cha·giparangna on·aha, jedakode na·tok granko bang·bate bikote ba ripoe bading-chiwalaniko tang·doatna man·gen, iarangni gimin skie on·aha.
Programme-o bang·a officer aro subject specialist-rang, uamanga changa-sapaniko aro u·ianirangko skie agane on·angaha. Mrs. Helparine Sangma (Superintendent of Fisheries), Mrs. Sobita Devi (District Development Manager, NABARD), Mr. Oliver Kangku Sangma (Fishery Officer), Dr. S. Nirupama Chanu, Subject Matter Specialist (Agricultural Engineering), Dr. Sofia Devi Yanglem (Subject Matter Specialist- (Agronomy) aro Matgrik Marak (Multi Service Provider). Dr. Brijendra Singh Rajawat (Senior Scientist and Head) and Dr. Milind B. Katare (Subject Matter Specialist-Fisheries) – uamang bak ra·tokangaha.
