TURA: Bajengdoba-o donggipa Matgrik Do·mesal dolni bipekko May-ni 14 tariko Tikrikilla-oba songaha ine kobor on·aha.
Ia bipekko Matgrik Do·mesal-ni padot Metro S Bangshall-ni dilanichi songe on·angaha aro ia bipekko songe on·angani somoio ua bipekni dilgiparangko, jatna aro a·songna ka·sae dangdikgiparang ong·china didiangaha.
Matgrik Do·mesal Tikrikilla regional unit-ko dilna seoka man·gipa manderangara, president-na Steward R Marak, vice president-na Debasis R Marak, general secretary-na Bikku A Sangma, joint secretary-na Bisen R Marak, publicity secretary-na Riknamdap R Marak, education secretary-na Dura Malkado Ch Sangma aro do·bimako dilna Pona A Sangma ong·a ine kobor on·aha.
