SHILONG: Ma·mong sorkarini Minister Nirmala Sitharaman-ni petrol toni central excise duty-ko komiatna parakatani jolan Shillong-o petrol pump-ko chalaigipa nokgiparang, Shillong-o petrol toni dam gong 9 aro Diesel-ni dam gong 7-ona kominaba donga ine agantokaha. Toni dam agrepile bariani gimin excise duty-ko komiataha.
Petrol toni dam gong 9.5-ona komignok aro diesel-ni dam gong 7-ona komignok ine Finance Minister Nirmala Sitharaman, parakataha.
Petrol-ni central excise duty-ko litre prako gong 8-ona komiataha aro diesel-o litre prako gong 6-ona komiataha ine Sitharaman parakataha.
Central excise duty-ko komiatanio sorkarina laksa krorni gita gimaani ong·gnok.
Indake Minister, gimik a·dokrangkoba apsan daken petrol toni damko komiatna aganataha. Toni dam barianichi ramram manderangna bilongen neng·nikani ong·enga.
Lok Sabha election ong·na bilsi gni somoirangsan dongaijok, iandakgipa somoio sorkari, petrol toni damko komiatna ja·ku de·aha.
Indake ong·engon ma·mong sorkarini tanggitik petrol toni damko komiatna parakataniaran petrol pump chalaigiparangna namen gimaani ong·gnok ine pump nokgiparang aganskaha.
“Jekai sorkari saprakon petrolni damko 30 paise aro 20 paise bariataha, ugitan sorkari toni damko komiatna nangachim ine agantokaha.
Meghalaya-o da·o petrolni dam gong 103 aro dieselni dam gong 89 ong·enga.
