TURA: Mongolbar salo, Tura Don Bosco College (DBC)-ni final year chatro chatrirangna dingtangmancha Aviation aro Hospitality-ni bidingo Career counselling-ko ong·atangaha.
Ia program-ko Guwahati-ni Pan India Organisation – Fledge Institute of Aviation & Hospitality-ni gita ong·atangaha aro ia program-o Fledge Institute-ni Centre Director Sugata Ganguly Paul aro Business Development Manager Ankit Dey, chatro chatrirangna agan-talate on·anirangko dakangaha.
Ia program-ko ong·atanio Fledge Institute of Aviation & Hospitality-ni official-rang, chatro chatrirang baksa agangrikengon, graduate ong·ani ja·man an·tangtangna line-rangko basee ra·na nangani gimin aro maidakgipa line-rangko ra·na man·achim, uarangni gimin chatro chatrirangna agan-talate on·angaha.
Kamrangko ka·na gita maikai an·tangtangko tarisona nangachim, uarangni giminba Fledge Institute-ni official-rang, Don Bosco College-ni final year chatro chatrirangna agan-skie on·angaha.
Ia program-ko ong·atanio Don Bosco College-ni Principal, Rev Fr Bivan Rodriques Mukhim, rimchaksoani kattarangko aganangskaaha.
DBC-o Aviation, Hospitality-ni bidingo Career Counselling-ko ong·ata
Date:
Share post:
