Menstrual Hygiene-ni bidingo awareness program-ko ong·ata

TURA: Menstrual Hygiene Day-ko maniani bak gita Budbar salo, Tura Mason Phillips Academy-ni Social Work Department, me·chikrangni somoi nikani (menstrual) somoirango rongtal an·talaniko rakkina nangani bidingo agan-talate on·aniko dakna gita awareness program-ko Tura-ni Upper Chandmary SSA UP School, Wadanang UP School aro Government Girls Higher Secondary School-ni class 6 aro class 7-o poraienggipa chatrirangna ong·atangaha.
Ia program-ko ong·atanio Mason Phillips Academy-ni ning·o donggipa Social Work Department-ni chatro chatrirang, ia damgittam skulrangona re·ange, me·chikrangni somoi nikani somoirango rongtal an·talaniko rakkina nangani gimin aro sanitary napkin-rangko jakkalna nangani gimin agan-talatanirangko on·angaha.