SHILLONG: Meghalaya a·doko college damgittamko kulidapna gita Bristibar salo, Meghalaya Cabinet tik ka·angaha.
Cabinet tom·a matchotani ja·mano a·dokni Chief Minister Conrad K Sangma, kobor ra·timgiparangna talataniko on·angengon, a·doko kulina sienggipa damgittam college-ara Veterinary, Dairy aro Fisheries college-rang ong·gen ine parakataha.
Chief Minister-ni parakatani gitade, Veterinary aro Dairy college-rangkode Ri Bhoi a·jani Kyrdemkulai-o kuligen aro Fisheries college-kode Garo Hills-ni a·ja damsao kuliskagen.
Fisheries college-ko Garo Hills-ni badia district-o kuligen da·o dipet sorkari tik ka·kujaenga ineba Chief Minister parakataha.
Indake ong·engon, District Court-rango kamrangko on·na aro interview-rangko ra·na bilko on·gipa Meghalaya District Courts (Ministerial) Service Rules 2020-ni amendment ba taridapanikoba Bristibar salo Meghalaya Cabinet ra·chakangaha ine Chief Minister parakataha.
