TURA: Meghalaya a·dokni gitcham Minister aro Garo Hills Autonomous District Council (GHADC)-ni gitcham Chief Executive Membor (CEM) Albinstone M Sangma, Bristibar attamni 6:00 bajimango a·gilsakko watangaha.
Albinstone M Sangma-ko bang·bata manderangan ka·sabee ‘Belinepa’ ine okamtokachim aro ua bilsi 99-na janggi tangangaha.
Pa Sangma sagi, Meghalaya a·dokni skanggipa Chief Minister Captain Williamson A Sangma baksa apsan kam ka·rimgipa ong·e, Meghalaya a·dokko man·na krengdilanggipa manderangoniba saksa ong·paachim.
Indake ong·engon, Pa Sangma-na Sukrobar salo bon·kame mande ra·pilskaaniko dakenba, gope galgen ine kobor on·timgiparang parakataha.
