SHILLONG: Assembly-o Khasi aro Garo ku·sikko jakkalana chanchianiko MLA-rang namnikaniko paraktokaha.
Indiba a·dokona gipin biaprangoni re·bagipa IAS officer-rangna neng·nikani ong·naba gnang ineba janapaha.
Congress-oni ra·gala man·gipa MLA Mohendro Rapsang, ia re·mikkanganiko namnike ra·chakaha. Ian joltango agangipa ku·sikko namdapatna dakchakgen aro Constitution-ni Eight Schedule-o napatna dabianiko bilakatdapgen ine aganaha.
Indake House-o joltangni ku·sikchi aganon, uko jol dake maming gualani donggija
English ku·sikkona pe·skana Assembly Secretariat baksa infrastructure dongna nangskagen.
Skanggipade chu·onga gita translator ba ku·sikko pe·timgipa dongna nanga, gnigipara gipin a·dokrangoni re·bagipa IAS officer-rangna neng·nikani dongnaba gnang, maina uamang, House-o information ba u·iatanirangko jolan Minister-rangna u·iatna nanga, ine uni jajrenganiko janapataha.
Uandake sakgipin ra·gala man·gipa Congress MLA Ampareen Lyngdoh, ia re·mikkanganiko nambejok ine aganaha. Aro bilsi 2018-o Assembly-o Khasi ku·sikko aganchenggipa ong·e rasong man·ikako parakataha.
Indake ong·engon Garo Hills-oni MLA-rang baksa iani gimin agangrikna cholko man·jaha.
Chief Minister, Conrad K Sangma, adita salrang skangsan MLA-rangko Khasi aro Garo ku·sikko agana cholko on·china agan-ku·pattiangaha.
Indake iani bidingo sorkarini gimik department baksa name dake chanchirimaniko dakna nangchenggen, maina Assembly Secretariat an·tangani iani gimin tik ka·na man·jawa ine Assembly-ni Commissioner and Secretary aganaha.
Bilsi 2018-o gitcham Governor Ganga Prasad-ni Hindi ku·sikchi aganprakaniko on·a ja·man jolni ku·sikko maina jakkalna man·jawa, iandakgipa katta nakataha.
Indiba a·dokona gipin biaprangoni re·bagipa IAS officer-rangna neng·nikani ong·naba gnang ineba janapaha.
Congress-oni ra·gala man·gipa MLA Mohendro Rapsang, ia re·mikkanganiko namnike ra·chakaha. Ian joltango agangipa ku·sikko namdapatna dakchakgen aro Constitution-ni Eight Schedule-o napatna dabianiko bilakatdapgen ine aganaha.
Indake House-o joltangni ku·sikchi aganon, uko jol dake maming gualani donggija
English ku·sikkona pe·skana Assembly Secretariat baksa infrastructure dongna nangskagen.
Skanggipade chu·onga gita translator ba ku·sikko pe·timgipa dongna nanga, gnigipara gipin a·dokrangoni re·bagipa IAS officer-rangna neng·nikani dongnaba gnang, maina uamang, House-o information ba u·iatanirangko jolan Minister-rangna u·iatna nanga, ine uni jajrenganiko janapataha.
Uandake sakgipin ra·gala man·gipa Congress MLA Ampareen Lyngdoh, ia re·mikkanganiko nambejok ine aganaha. Aro bilsi 2018-o Assembly-o Khasi ku·sikko aganchenggipa ong·e rasong man·ikako parakataha.
Indake ong·engon Garo Hills-oni MLA-rang baksa iani gimin agangrikna cholko man·jaha.
Chief Minister, Conrad K Sangma, adita salrang skangsan MLA-rangko Khasi aro Garo ku·sikko agana cholko on·china agan-ku·pattiangaha.
Indake iani bidingo sorkarini gimik department baksa name dake chanchirimaniko dakna nangchenggen, maina Assembly Secretariat an·tangani iani gimin tik ka·na man·jawa ine Assembly-ni Commissioner and Secretary aganaha.
Bilsi 2018-o gitcham Governor Ganga Prasad-ni Hindi ku·sikchi aganprakaniko on·a ja·man jolni ku·sikko maina jakkalna man·jawa, iandakgipa katta nakataha.
