New Delhi: Mijal salni bako, Meghalaya-ni CM Conrad Sangma-ni aganani gitade, mikkang bilsi ong·nasienggipa election-o, NPP gipin party-rang aro BJP party baksaba bakrimjawa. Indiba, National People’s Party (NPP), ma·mong sorkari BJP-chi dilenggipa, National Democratic Alliance (NDA) baksa bakrime kam ka·anirangko dakangkugen, ine Sangma aganangaha.
Chief Minister Conrad Sangma-ni aganani gitade, BJP aro NPP-ni miksonganirang bang·a ramarangon dingtanggrika, indiba bakrime kam ka·anirangkode dontongjawa.
”Ong·nasienggipa assembly election-o chinga gipin party-rangming bakrime susaaniko dakjawa aro BJP baksaba chaprime susajawa,” ine NPP-ni president, party-ni national conference-o aganangaha.
Sangma-ni aganani gitade, election-na skang, NPP pangnaba gipin party-rang baksa chaprime kam ka·anirang dongkuja. Odhisa aro Chhattisgarh-o ong·nasienggipa assembly election-oba, NPP susaanggen, ine ua aganangaha.
Indake, gipin a·dokrango susaanirangko dakgenchimoba, NPP Meghalaya, Meghalaya, Nagaland, Tripura, Mizoram aro Arunachal Pradesh-ni election-rango rakbate kamrangko ka·gen, ine ua aganangaha.
Meghalaya-ni 2018 bilsini assembly election-oba, NPP saksan chadenge susaaniko dakaha. Indiba, Congress-ni ja·mano ong·gipa party, BJP baksa bakrime, Meghalaya a·doko sorkariko rikaha.
Indake, sak 2 legislator-rang baksa, BJP, NPP-chi chalaienggipa sorkario, membor komibatgipa party ong·a. Mikkang bilsio Meghalaya-o ge 60 assembly seat-na election-ko ong·atgen.
“Chinga BJP-ni dilenggipa NDA sorkarini bak ong·a, indiba election-o dolsan ong·e susana tik ka·aha.”
Uandake Northeastern a·doko Trinamool Congress-ni napbaani gimin janapatengon CM, indine aganaha, “Opposition-o political space ba biap donga, jekon TMC ra·aha, indiba uamangni maming kenani dongja.”
Uandake Assam-Meghalaya inter-state boundary-ni mamlako CM, indine agankuaha, ‘chinga positive direction ba ong·gipa ramao re·mikkangenga. A·dok aro ma·mong sorkari dolgni melie kam ka·enga. Skanggipa phase ba bako chinga agreement-ko soi ka·aha, gnigipa phase-o mamlako namatsrangna cholko man·a ka·dongsoenga. March 19 tariko Assam Chief Minister Himanta Biswa Sarma aro Sangma- uamang sima arini mamlako namatgrikna ja·ku de·anio MoU-ko soi ka·aha.
