SHILLONG: Meghalaya police headquater-o ong·gipa vehicle scam-ni bidingo ba police department-ni gari jakkalsretani mamlao saoba authority-na badi ka·a ong·ode, ia mamlako authority nirokatgen ine Meghalaya Lokayukta-ni chaiperson aganaha.
Vehicle scam-ni bidingo Lokayukta-ni ja·ku de·ani gimin sing·aton, Lokayukta-ni chairperson Bhalang Dhar indine aganaha, “Saoba ia mamlao badi ka·gipa dongode, authority, nirokatgen, indiba da·odipetde darangba badi ka·a dongkujaenga, mamlako nirokatna gita saobade badi ka·na nanggen.”
Niatgenchimode police department-o gari jakkalsretani mamlako chubata gadango jakgittele am·sadnianiko dakchina badiani bilakbatroroenga, dingtang dingtang political dolrang, ia mamlako talna gita jakgittel sandina dabie sinjetaniko on·enga.
Da·odipetde a·dok sorkari, ia mamlako sandianiko dakatani bidingo mamingkon aganna jechakkuenga. Aro am·sadnina ge·etaniba dongkujaenga.
Meghalaya Police-ni department-ni gariko jakkalsretani mamlako am·sandiao cha·bokanirangko ba kamrang tik ong·gijani parak ong·aha.
Additional Director General of Police (Law and Order) Mukesh Kumar Singh-ni dilgipa inquiry team, department-o gari jakkalsretani mamlako am·sandian cha·bokanirangko nikna man·aha.
Police dept-ni gari jakkalsretani mamlao badi ka·gipa dongkuja: Lokayukta
Date:
Share post:
