Shillong: A·dokni Chief Minister Conrad K Sangma, Bristibar salo Meghalaya Residents Safety and Security Act-ni online portal-ko a·bachengate on·aha. Home Minister Lahkmen Rymbui, Mawsynram-ni MLA H.M Shangpliang, Chief Secretary D.P Wahlang, DGP L.R Bishnoi, East Khasi Hills-ni DC I. Laloo, NIC Timothy Dkhar, sorkario kam ka·gipa a·gipi officialrang aro dingtang dingtang jolni headmen ba dilgiparang bak ra·angtokaha.
Ia web system-ko Shillong-ni damsni jolrangosan parakatchengaha. Nongrim Hills, Lapalang, Nongmynsong, Nongrah, Pohkseh, Riat Laban aro Wahdiengleieng-o donaha.
Portal-ko parakate on·ao aganprakataon, Chief Minister indine aganaha, “ia digitise system-ko ra·gataniara, jolni manderangna chelchak-naljokaniko on·na baksana jolrango ong·gipa obostarangni gimin authority-na bilakgipa intelligence input-ko on·gen. Digitisation process, a·dokni dam 6000 baten songrangko online system gita nangdimatgen. Sorkarini programme-rang altubee, manderangona sokna man·gen.”
Minggipin ia online system-ko gimik jolrangona ka·sinsin sokgen.
Uandake Chief Minister, jolni headman ba dilgiparangni administration baksa apsan ja·ku ga·e kam ka·pana jotton ka·anikoba de·mittelataha.
Indake ong·engon, a·dokni manderangna chelchakaniko on·nanian chingni skanggipa miksongani ong·a ine Home Minister, Lahkmen Rymbui aganskaha.
Meghalaya sorkari, Meghalaya Resident Safety & Security Act 2016-ko a·dokni manderangni chelchak-naljokanina a·bachengataha.
Meghalaya Residents Safety & Security Act-ni online portal-ko a·bachengata
Date:
Share post:
