SHILLONG: Meghalaya a·dokni mangsongbatgipa opposition party, Trinamool Congress (TMC), HNLC-ni dilgipa gitcham Cheristerfield Thangkhiew-ko so·otaniko, central agency-rangchi am·sandichina dabiangaha.
Indake, Meghalaya-ni TMC, HNLC-ni gitcham dilgipako so·otaniko, National Investigating Agency (NIA) ong·jaode, Central Bureau of Investigation (CBI)-chi am·sandianiko dakchina dabiangaha.
Sukrobar salni bako, Cheristerfield Thangkhiew-ko so·otako, one-man inquiry commission-chi am·sandianiko dake report-ko assembly session-o on·ani ja·mano, Meghalaya TMC chu·ongnikjae indake dabianirangko dakaha.
Report-o parakatani gitade bobil dolni gitcham dilgipa, police-rangni chanchigija kam ka·ani a·selsa sina nangaha, ine mesokataha.
”Manderangni ra·chakna man·gijagipa a·sel ong·ani a·sel, Commission of inquiry am·sandianiko dakna gita nangaha. Hoe indakgipa kamrango sorkari nangchongmotgipa kamrangko ka·na nanga. Indiba ia mamlao, chongmotgipa bichalko on·a man·jaha. Iani a·sel manderangni gisiko sorkari aro authority-ni kosako ka·dongna man·gijanirangko ong·atna ama,” ine Mukul Sangma aganangaha.
Inquiry report on·ani gitade napdrae am·sandianiko dakna namen chanchianirangko dakaha, indiba kam ka·aniosa name ka·jaha. Justice Vaiphei-ni report on·ani gitade, napdrae kam ka·ani, “botched up operation” ba simsakgipa kam ka·ani ine parakataha.
Cheristerfield-ko so·otaniko, central agency-chi am·sandichina, TMC dabia
Date:
Share post:
