WILLIAMNAGAR: Ia bilsini Rastriya Poshan Abhiyan-ko maniani bak gita mijal Budbar salo, East Garo Hills a·jani Integrated Child Development Schemes (ICDS), dingtang dingtang department-rang baksa nangrime dingtang dingtang program-rangko, Samanda, Songsak aro Rongjeng C&RD Block-rango ong·atangaha.
Samanda block-o dingtangmancha songni manderangna aro mongsongbate me·chikrangna an·chi komiani bidingo mikrakataniko on·na gita Anganwadi worker-rang, dakmesokangaha aro dingtang dingtang anganwadi centre-rango bol chararangkoba ge·angaha.
Songsak-oba dingtangmancha bilsi sokkugija me·chik bi·sarangko bia ka·atani aro bilsi sokgija an·o dongani namgijanirangko songni nokni manderangna agan-talate on·angaha. Somoi nikani somoirango sanitary napkin-rangko jakkalna nangani gimin aro rongtal an·tale dongna nangani giminba songni manderangna agan-talate on·angaha. Songsak-o ia program-ni bak gita dingtangmancha Poshan Rally-koba ong·atangaha, jeon songni bang·a manderang bakko ra·angtokaha.
Rongjeng block-oba Poshan Maah-ni bak gita program-ko ong·atangengon, an·o donggipa aro sok kanenggipa me·chikrangko an·seng baljoke rakkina nangani gimin songni manderangna agan-talate on·angaha. Songsak-o ia program-ni bak gita Disability Assessment Camp-koba ong·atangaha.
