TURA: Bi·sarangko kal·susaanirango namdapatna gita Khelo India Centre-ko Rongrenggre Government Higher Secondary School-o East Garo Hills a·jani Deputy Commissioner Jagdish Chelani-ni jakchi kulie on·angaha.
Koborko on·ani gitade, ia Khelo India Centre-o gimik sak 30 bi·sarangna robol kal·aniko skie on·anggen.
Ia Khelo India Centre-ko kulie on·angani somoio East Garo Hills a·jani District Sports Officer aro Rongrenggre Govt Higher Secondary School-ni Principal-ba dongpae bak ra·angaha.
Ia Khelo India Centre-ko kulie on·anganio dingtangmancha Rongrenggre Govt Higher Secondary School-ni Annual Sports Week-koba a·bachengate on·angjolaha.
