WILLIAMNAGAR: Bangladesh a·songona bijoli supply ka·na gita East Garo Hills a·jani Nengkra jolo dal·begipa Grid Power Station-ko dona miksonge Maharashtra a·dokni company baksa songgigrike soi ka·anio, Garo Hills-ni aro mongsongbate Nengkra jolni chadamberangna maming kamrangko ba janggi tangani cholrangko on·ani bidingo janapjaha ine Nengkra jolo donggipa dingtang dingtang dolrang, chong·motan GSMC, FKJGP, AHAM aro ANJAC dolrang, Nengkra songni Nokmako matnangataha.
Iani bidingo ia dolbri NGO-rang, Mongolbar salo dingtangmancha jinma tom·bimonganiko ong·atangenba, songni nokni manderangna agan-talatanirangko on·angaha.
Grid Power Station-ko donna gita songgigrike soi ka·anio jolni chadamberangna maming janggi tangani cholrangko on·china dabijahani gimin Nokmani kosako jegaltokengon, ia songgrikaniko den·galpile, jolni chadamberangna kamrangko on·ani bidingo janape soi ka·china NGO-rang ia tom·anio dabiangtokaha.
Ia dabianiko chu·sokatjagenchimode Nengkra Nokmani Chrarang, jolo songdongenggipa manderang aro dingtang dingtang dolrang baksa ku·monge, jingjengatanirangko dakanggen ineba NGO-rang parakataha.
Grid Power Station-na Nokmani songgigrikaniko Nengkra jolni NGO-rang jegala
Date:
Share post:
