SHILLONG: Bay of Bengal-o ‘Sitrang’ balminduri balengani a·sel salgro gita balwarang balbae, Meghalaya a·dokoba nangchakeanirangko man·aha aro uandaken Sombar salo, Meghalaya a·dokni dingtang dingtang biaprangoba mikka balwa ta·rakanirangko bang·a biaprangon nikangna gita man·aha.
Ia ‘Sitrang’ balminduri balengani gimin Robibar salonin Indian Meteorological Department (IMD)-oni salgro salaramni damdok a·dokrango, Sombar saloni Budbar salona mikrake dongchina u·iatmanahachim aro uandaken Sombar pringonin Meghalaya a·dokoba, mongsongbate a·dokni salgipeng jolrango balwa ta·rakbee balanirangko nikna gita man·aha.
Sombar salgimikan mikka baksana balwarang ta·rakbee balangahani a·sel Garo Hills-ni bang·bata biaprangon Sombar attamonin bijolirangko man·jaha aro ia koborko seatengmiting somoirangona kingkingan bijoliko man·pilkujaengachim.
Sombar saloni Budbar salona kingking ia ‘Sitrang’ balmindurina mikrakatanirangko man·soahani gimin salgro salaram jol gimikon a·dok sorkarirang, National Disaster Response Force (NDRF)-ni sipairangko watdapatchina ma·mong sorkario bi·ataha.
Sombar saloni Budbar salona kingking Assam, Meghalaya, Nagaland, Mizoram, Manipur aro Tripura a·dokrango badiaba biaprangode mikkarang jimgen aro badiaba biaprangode mikka baksana balwarang ta·rake balgen ine Robibar salon, IMD-oni mikrakataniko on·soahachim.
