Sorkariko rikna man·genchimoba Trinamool M’laya-ko Bengal-ni ning·o donjawa: Abhishek Banerjee

Shillong: (IANS) Re·baenggipa changni election-rango uni party bil-sasonona re·bana man·genchimoba gitalgipa sorkariko Bengal-ni ning·o donjawa ine Trinamool Congress-ni National General Secretary Abhishek Banerjee aganaha.
Meghalaya a·jani de·drangrang assembly election-rang ja·mano a·dok sorkariko chalaigen, ong·nasienggipa election-rango party-ni chief minister-ni mikkang chief minister gitcham Mukul Sangma ong·gen ine Banerjee parakataha.
Meghalaya-ni manderang National People’s Party (NPP)-chi dilenggipa (Meghalaya Democratic Alliance) MDA-ni bil-sasonko chakna man·jaha aro Trinamool party uamangni chanchianirangko aganchina manderangna ga·timrako on·a sikenga, ua aganaha.
“An·chingni nitogipa a·brini a·doko sakanti sakprakna namgniko sokatna chingni mission-o ong·enga,” Banerjee aganaha.
“…Namen on·kangani baksa manderangna kam ka·angkuna chinga ku·rachakenga. Namgijako dakgipa dolrangni mikkango chinga ja·sku dipanjawa,” ua aganaha.
“Constitution-ni eighth Schedule-o Khasi aro Garo ku·sikrangko maina Ma·mong chapatna man·jaha,” Trinamool dilgipa sing·doaha aro bil-sason ka·enggipa NPP, BJP-chi dilenggipa NDA-ni “National Puppet Party” dake jakkalako man·enggipa ong·a, ua aganaha.
“Double-engine-gipa sorkari gimikkon uamangni galramo donaia. Indake maia uamangko champengenga. MDA-ni ning·in ning·in golmal ong·anirang manderangni gisik nanganiko dingtangatenga,” Banerjee aganaha.
Trinamool Congress-ni symbol bibal balgni aro bibal balprako jak gittam bibalrang donga. “Ua jak gittam bibalrangara a·brini jat gittam-Khasi, Garo aro Jaintia-na ong·a aro TMC (Trinamool Congress)-ko talataniara-Temple, Mosque aro Church-na chadengani ong·a aro  iarango ku·cholsan ong·anio chinga raken ka·dongenga,” ua aganaha.
NPP uamangni 2018 bilsio election-ni koros ong·ako kolgapatna man·jaha aro Meghalaya aro a·songni mamlarango mikkangchakgrike jera ra·na chinga uamangko ra·bina nangnikenga,” Banerjee aganaha.
“Jabrimangna skango chinga Meghalaya-o adita ritcharangchi memborship ong·aniko biming segatna a·bachengataha. Da·alo chinga laksamangna baten bimchipgipa memborrangko man·e dal·begipa nokdang ge·sa ong·aha,” mija Sukrobar salni rally-ni noksarang National Puppet Party-ni manderangko walko tusinapjaengnok,” Banerjee agandapaha.
2010-2018-ona Meghalaya-ni Chief Minister gitcham Dr Mukul Sangma, sak 11 Congress MLA-rang baksa 2021 November jao Trinamool Congress-o napaha aro da·o ia party Meghalaya-o mongsonggipa warachakgipa party ong·enga.