NEW DELHI: A·doko game ge·e cha·gipa nokdarangni jaantini kamai ka·anio a·brini a·dok Meghalaya-an a·song gimiko skanggipa ong·enga, aro a·songo game ge·ani skangbatgipa Punjab, Haryana aro gipin a·dokrangna baten Meghalaya skangbatenga.
Mingsa gisiko nangatbeaniara indake ong·a je, Meghalaya-ni game cha·gipa nokdangrangni kamai jaantio gong 29,348/- ong·enga, jean India gimikni average Tong 10,218-na duna gittam ong·nasipile bata. Ian North East a·dokrangni japrakni average Gong 16.863/- naba bata.
Meghalaya-ni a·dokrangni rank ba gadangrangara-Arunachal Pradesh (Rs.19,225), Mizoram (Rs.17,964), Sikkim (Rs.12,447), Manipur (Rs.11,227), Assam (Rs.10,675), Tripura (Rs. 9,918) aro Nagaland (Rs. 9,877) ong·enga. Ia data-rangko Union Minister of Agriculture aro Farmers Welfare Narendra Singh Tomar, da·o ong·enggipa Rajya Sabha-ni winter session-o sing·anirangna aganchakaha.
India gimikni level-o Punjab (Rs.26, 701)-ni ja·man, Haryana (Rs.22, 841), Arunachal Pradesh (Rs.19, 225), Jammu & Kashmir (Rs.18, 918), Group of UTs (Rs.18, 511), Kerala (Rs.17, 915), Uttarakhand (Rs.13, 552), Karnataka (Rs.13, 441), Gujarat (Rs.12, 631), Rajasthan (Rs.12, 520), Himachal Pradesh (Rs.12, 153), Tamil Nadu (Rs.11, 924), Maharashtra (Rs.11, 492), Andhra Pradesh (Rs.10, 480), Chhattisgarh (Rs.9, 677), Telangana (Rs.9, 403), Madhya Pradesh (Rs.8, 339), Uttar Pradesh (Rs.8, 061), Bihar (Rs.7, 542), West Bengal (Rs.6, 762), Odisha (Rs.5, 112) aro Jharkhand (Rs.4, 895) ong·enga.
Bading chiwalna ge·gipa bosturangni bidingode Punjab skanggipa ong·genchim, indiba Meghalaya, bolam bite-rangko bang·en man·skaa. Unomitingo, Meghalaya gita dake bolam bite-rangko ge·anikoba dakchina gita expert-rang ba u·i-ma·sigiparang Punjab-ni game cha·giparangna ku·pattiahachim.
National Statistical Office (NSO), Ministry of Statistics and Programme Implementation (MoSPI)-ni gita a·songni songadamrangko Situation Assessment Survey (SAS) of Agricultural Households-ko Ma·mong Minister parakataha.(eom)
