SHILLONG: Meghalaya a·doko Assembly election-ko ong·atani tarikko Budbar salo Election Commission-ni gita parakatani ja·man joljol Model Code of Conduct (MCC)-koba ra·gatangaha.
A·dokni Chief Electoral Officer (CEO) Frederick R Kharkongor-ni parakatani gitade, a·dok gimikon da·o MCC-ko ra·gatahani gimin Election Commission of India (ECI)-ni dongimin niamrango pangchake Election department, niamrangko name nirokanggnok.
MCC-ni ning·o ECI-ni dongimin dingtang dingtang niamrang donga ine janapatengon, skanggipade sorkarini biaprangko jakkalsretani, gnigipao mande jinmani gam-jinrangko nisiani, election-ni somoio tangka paisa, chu aro uandakgipa bosturangko ra·bitani, garirangko jakkalsretani, niam gri poster aro banner-rangko kadeani aro uandakgipa kamrangko nirokna gita election official-rang bilake kamrangko ka·anggen ine Kharkongor parakataha.
Election-ni somoio bank-rangoniko tangka okani aro tangka chipanikoba ECI nirikkianggen ine janapatengon, gong lak 10 ba una bate bank-rangoniko tangka okgenchimode ba chipatgenchimode uandakgiparangko election official-rang nirok sandianggen ine CEO parakataha.
Election-o susaenggipa candidate-rangna gong lak 28-ona kingking koros ka·na on·gen ineba Kharkongor parakataha.
