SHILLONG: Meghalaya-o donggenggipa manderang-na aro a·doko agangipa ku·sik, ja·rikgipa toromna kenani donga, maina BJP gimikon uniformity ba apsangrikaniko nang-nikenga ine Congress party mikrakataha.
February 27 tariko ong·-nasienggipa Meghalaya Assembly election-na party-ni manifesto-ko Sonibar salo parakat-mitingo kobor ra·timgi-parang baksa agangrikao, ma·mongni gitcham minister aro Congress-ni MP Jairam Ramesh, indine aganaha, “Congress, batanggimin bilsi 45-50 somoirangonin Meghalaya-ni nangnika-niko u·ie sixth shedule-ko mande ra·ba-enga. Indiba da·o Meghalaya-o song-dongenggipa manderangna, agangipa ku·sik aro manderangni ja·rikenggipa toromna namen kenchakani ong·-enga, maina BJP, gimikon uniformity ba apsangrika-niko ra·bana nangnikenga. Congress, unity-o ba apsan ong·anio bebera·a.”
Delhi-o sakgipinni aganako ja·rikgipa saksa donga aro gipin a·dokrangoba gnang. NPP, dakparikgipa ba sakgipinko ja·rikgipa ong·a, UDP -ba apsan aro da·ode TMC-ba dongaha, ine Congress aganaha.
“NPP, BJP-ni A team ong·a, UDP-ara team B aro TMC team C ong·a indake BJP an·tangara Meghalaya party-ni D team ong·skaa.”
MDA-ara meligija bakrimgipa ong·a, election-ode uamang dolsanprak ong·e susana aganenga indiba chol man·chengoan uamang apsan palango gadogiparang ong·a.
Skangode Meghalaya-ni orto ba bimingko ‘abode of clouds’ ine mingachim indiba da·ode Meghalaya-ni bimingara orto dingtangjok. Da·ode kamgri (unemployment), power cut bijoli den·a, aro politics kal·anirarasan ong·aijok.
Congress-ni aganani gita, MDA-Money Development Alliance ong·a aro bakrimgipa dolrangara dikdiksana somoina ek-grikaha indiba uamang bakrimgipa dolni mongsonggiparangan ong·a.
‘Meghalaya a·dokko Delhi, Kolkata ba Nagpur-chi sason ka·na nangja, indiba Meghalaya a·dok an·tangchin sason ka·na nanga. Minggipin Congress pangnan bilake re·bapilronga, Bharat Jodo Yatra, Congress-na ding-tanganiko ra·baaha.’
Indake Congress-ni diligpa BJP-ko ED, CBI aro Income Tax department-ko niamgri an·tangtangni namgnina jakkalenga ine matnangaha.
Minggipin Congress, uamangni poll manifesto-o dingtang dingtang kam-rangko ka·na ku·chakaha. Jeon free health care-ba donga.
Una agreba Meghalaya a·dokni gimik me·chik-rangnan Kidnergarten-oni XII-ona free education-ko on·na janapaha. Iarangna agreba e·ching, holdi, sal·wa, golmoris aro gipin ge·e-game man·gipa bosturangna Minimum Support Price (MSP)-ko on·na ku·chakaha. BPL nokantinan nokkingko on·na ku·chakaha.
Indake ong·engon State University aro 200 unit-ni free power ba bijoli-ko nokantina on·na manifesto-o janapaha.
February 27 tariko ong·-nasienggipa Meghalaya Assembly election-na party-ni manifesto-ko Sonibar salo parakat-mitingo kobor ra·timgi-parang baksa agangrikao, ma·mongni gitcham minister aro Congress-ni MP Jairam Ramesh, indine aganaha, “Congress, batanggimin bilsi 45-50 somoirangonin Meghalaya-ni nangnika-niko u·ie sixth shedule-ko mande ra·ba-enga. Indiba da·o Meghalaya-o song-dongenggipa manderangna, agangipa ku·sik aro manderangni ja·rikenggipa toromna namen kenchakani ong·-enga, maina BJP, gimikon uniformity ba apsangrika-niko ra·bana nangnikenga. Congress, unity-o ba apsan ong·anio bebera·a.”
Delhi-o sakgipinni aganako ja·rikgipa saksa donga aro gipin a·dokrangoba gnang. NPP, dakparikgipa ba sakgipinko ja·rikgipa ong·a, UDP -ba apsan aro da·ode TMC-ba dongaha, ine Congress aganaha.
“NPP, BJP-ni A team ong·a, UDP-ara team B aro TMC team C ong·a indake BJP an·tangara Meghalaya party-ni D team ong·skaa.”
MDA-ara meligija bakrimgipa ong·a, election-ode uamang dolsanprak ong·e susana aganenga indiba chol man·chengoan uamang apsan palango gadogiparang ong·a.
Skangode Meghalaya-ni orto ba bimingko ‘abode of clouds’ ine mingachim indiba da·ode Meghalaya-ni bimingara orto dingtangjok. Da·ode kamgri (unemployment), power cut bijoli den·a, aro politics kal·anirarasan ong·aijok.
Congress-ni aganani gita, MDA-Money Development Alliance ong·a aro bakrimgipa dolrangara dikdiksana somoina ek-grikaha indiba uamang bakrimgipa dolni mongsonggiparangan ong·a.
‘Meghalaya a·dokko Delhi, Kolkata ba Nagpur-chi sason ka·na nangja, indiba Meghalaya a·dok an·tangchin sason ka·na nanga. Minggipin Congress pangnan bilake re·bapilronga, Bharat Jodo Yatra, Congress-na ding-tanganiko ra·baaha.’
Indake Congress-ni diligpa BJP-ko ED, CBI aro Income Tax department-ko niamgri an·tangtangni namgnina jakkalenga ine matnangaha.
Minggipin Congress, uamangni poll manifesto-o dingtang dingtang kam-rangko ka·na ku·chakaha. Jeon free health care-ba donga.
Una agreba Meghalaya a·dokni gimik me·chik-rangnan Kidnergarten-oni XII-ona free education-ko on·na janapaha. Iarangna agreba e·ching, holdi, sal·wa, golmoris aro gipin ge·e-game man·gipa bosturangna Minimum Support Price (MSP)-ko on·na ku·chakaha. BPL nokantinan nokkingko on·na ku·chakaha.
Indake ong·engon State University aro 200 unit-ni free power ba bijoli-ko nokantina on·na manifesto-o janapaha.
