SHILLONG: Meghalaya a·dokko India a·songo tangka paisa jakkalsretbatsranggipa a·dok ine adita salrangna skang, Union Home Minister Amit Shah-ni Garo Hills-ona re·baani somoio matnange aganahani gimin Sonibar salo, Trinamool Congress (TMC)-ni dilgipa Mukul Sangma Bharatiya Janata Party (BJP)-ko jegalatskaaha.
Garo Hills-o ua, Gambegre, Rongara-Siju aro Raksamgre constituency-ni TMC candidate-rangna campaign ka·angengon, Union Home Minister-ni iandake Meghalaya a·dokni kosako matnange agananiko TV aro BBC-oniko a·gilsak gimikni manderangan niksona man·aha ine Sangma, an·tangni suk ong·gijaniko parakataha.
“An·chingni nitobegipa a·dokko iandake matnanganiko na·simang namnikaiama? Uni gimin Amit Shah-ni iandake matnanganiko namnikjagenchimode an·ching pilakan ku·cholsan ong·e ia chango dingtanganina pu·onna,” ine Sangma aganaha.
NPP-chi dilgipa sorkarini ong·gija dakgipa kamrangna jrip dongahani gimin BJP-ko matnangatengon, BJP-ba MDA-ni ong·gija dakgipa pilak kamrangon jak dongpagipa ong·a ine TMC-ni dilgipa parakataha.
“A·doko tangka paisarangko jakkalsretengani gimin chinga batanggimin bilsigni gittamni gisepo ku·rangko on·ahachim aro iani bidingo inquiry-ko dakchina PMO-naba seatahachim. Indiba ia kamrango MDA-ni pilak dolrangan jak dongani gimin maming ja·kurangko de·jaha,” ine Sangma aganaha.
“Ia sorkario BJP-ba bak ong·paachim aro ia sorkarini tangka jakkalsretanina Amit Shah, an·ching a·dok gimikkosa matnangna jotton ka·skaengaha,” ineba Sangma aganaha.
M’laya-ko tangka jakkalsretbatgipa ine matnanganina Mukul, BJP-ko jegala
Date:
Share post:
