SHILLONG: Meghalaya Legislative Assembly election-ko ong·atanio National People’s Party (NPP)-na pu·one chegipa ong·atahani gimin Bristibar salo, a·dokni Chief Minister aro NPP-ni national president Conrad K Sangma, a·dokni manderangko mittelpilataha.
“Chingni NPP-na pu·onahani gimin anga a·dokni manderangko mittelpilna ska. Chinga doltangari sorkariko rikna gita bang·gija seat-rang chu·ongjaha beben indiba chinga nangani kri da·o ja·kuko de·anggen,” ine Assembly election-ni result-rangko parakatani ja·man Sangma, kobor ra·timgiparangna aganaha.
Ia election-o NPP, bang·bate seat-rangko chegipa ong·e, Trinamool Congress, Congress aro uandakgipa pilak dolrangnan batgipa ong·ahachim.
Gitcham sorkario bakrimgipa BJP, United Democratic Party (UDP) aro uandakgipa dolrang baksa bakrimtaiani gimin sing·on, “Da·o dipet anga an·tangni manderangko grongna man·kuja. Uamangko anga grongchengani ja·mansa nanga gita ja·kurangko de·anggen,” ine NPP-ni national president parakataha.
