SHILLONG: Community outreach programme-ni gita 172 Bn BSF Meghalaya, Civic Action Programme-ni ning·o mega Medical Camp-ko East Jaintia Hills, Umkiang, Holy Cross School-o Sonibar salo ong·ataha. Camp-o dingtang dingtang medical institution-rangoni sak 18 doctorrang, indin tangka ra·gija bang·bea manderangko niangaha aro uamangna indin damgri samrangko suale on·angaha. Medical Camp-ko Frontier HQ Meghalaya-ni DIG (Med) Dr. Jalaj Sinha, a·bachengate on·aha.
Medical camp-ko ong·ata baksana BSF, school-rangna computer-ko aro GYM machine-ko chadamberangna suale on·angaha. Camp-o Mr. Abhilash Barnwal, IAS, Deputy Commissioner, East Jaintia Hills Dist aro Shri Sanjay Sharma, Commandant 172 Bn BSF-uamangba bak ra·angaha.
BSF, iandakgipa programme-rangko neng·nika-ko ga·ake donggiparangko dakchakna aro BSF aro sima ari jol sepango dong-giparangni gisepo meli-grikaniko bariatna mik-songanio ong·ataha.
